كرسى الاعتراف مع (Emad_Owen)

من طرف الرومانسية الإثنين 08 ديسمبر 2008, 8:00 am

8[

السلام عليكم يا حلوين
لعبتنا اليوم لعبة خفيفة وحلوة وظريفة
وهي
يعني اكثر عضوا ياخذ اصوات هو اللي رح يكون ع كرسي الاعترف
وكرسي الاعترف هو اي عضوا عندا سؤال للعضوا اللي فاز بالتصويت يساله
ولمدة اسبوع وبعدين انغير الاعضاء وان شاء الله تعجبكم
الاعضاء المرشحين لهذا الاسبوعn
1-Emad_Owen
2-Layali
3-Lost2010
عايزه اسئله محرجه جدااا

ومن شروط اللعبة:ـ
* عدم التهرب من الاسئلة
ومع تمنياتي لكم بالتوفيق*·~-.¸¸,.-~*

[/size[/size]]

من طرف **Emad El-Din** الثلاثاء 16 ديسمبر 2008, 8:38 pm

لقد فاز بهذه اللعبة

Emad_Owen

الي عنده سؤال يتفضل يسأل

وانا جااااهذ لأسئلتكم

وهجاوب بكل صراحة

وربنا يستر

من طرف Lost2010 الثلاثاء 16 ديسمبر 2008, 10:14 pm

1- ما هى مواصفات فتاه احلامك؟
2-ما مفهوم الحب فى نظرك؟وهل الحب اسمى ولا الصداقه وايهما تفضل(يجب ان تختار يا الحب او الصداقه مفيش خيارين)؟
3-من هم اصدقائك الفعليين؟
4-ماهى احلامك وماذا تخطط ومع من تريد ان اتبنى احلامك ومستقبلك هل مع اصدقائك ام احبائك ام الاثنين معا؟
5-من من الاعضاء تحبهم كثيرا وتتمنى وجودهم بدون مجاملات؟غير اختك طبعا
6-هل تعتقد انك اعقل واذكى شخص فى المنتدى بما انك المدير ؟ وياريت بكل صراحه
7-هل تقبل ان يعيطيك احد نصائح او ينتقدك نقد بناء ؟ولا بتقول ده مبيفهمش حاجه
8-ماذا تريد ان اتعمل بعد متتخرج فى الكليه ؟
9- هل بعد متتخرج من الكليه هتنسى اصدقائك ام ستظل على صله بهم مهما حدث؟
10-ما مفهوم الثقه عندك؟ وهل تعطى ثقتك لاى احد؟
11-ما معنى الاخلاص عندك؟وهل تحب الاستقرار؟
وفى النهايه ارجو الرد على اسئلتى بكل صراحه ويارب تعجبك
[img]

كرسى الاعتراف مع (Emad_Owen) 97657357ok5

[/img]

من طرف الرومانسية الثلاثاء 16 ديسمبر 2008, 10:52 pm

بسم الله الرحمن الرحيم

طبعا التكنك وقع فى شر اعماله فلازم اساله شويه اساله وطبعا لازم يجاوب عليها بصراحه ووضوح ..

كرسى الاعتراف مع (Emad_Owen) 57446271ou6

1- هل الجمال شى اساسى لاختيارك شريكه حياتك او حبيبتك ؟ ولماذا ؟

2- هل ممكن ان ترتبط بفتاه صارحتك بحبها؟

3- هل تحترم المراه وتقدرها ام تعتبرها شخص ضعيف ليس له اهميه؟ وهل تحترم ارائها؟

4-هل تحب ان ترتبط بقتاه ارتبطت بغيرك قبل متتعرفوه؟

5-الأمنية اللي تتمناها ... ؟

6-ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ...

7- هل ندمت فحياتك على شي معين؟

8-هل تامن بالصداقة الرجل والمراه حتى لو كانت اختك ؟

9- ماهى هوايتك ؟

10- ماذا تحب او تكره فى شخص و ما هو الشخص ؟

11-قيمى نفسك من وجهة نظرك؟

12-هل انت مغرور ؟

يالا عيش حياتك بقى مع الاسئله وربنا معاك ..

من طرف **Emad El-Din** الأربعاء 17 ديسمبر 2008, 2:05 am

نبتدى بأسئلة Lost2010

- ما هى مواصفات فتاه احلامك؟

يعنى أهم حاجة عندى شخصيتها لازم تكون شخصية تقدر تجذبنى ليها يعنى بطريقة كلامها - طريقة تعاملها مع الناس
وتكون زكية ماتكونش شكاكة وميكونش صوتها اعلى من صوتى ولو شافت حاجة ضايقتها منى متكلمنيش فيها قدام الناس تستنى لما نكون لوحدنا وتكلمنى وطبعاً تكون خجولة ومتكونش بتكلم اى حد بمعنى ان ممكن بنت تكون بتكلم اولاد عادى مفيش بينها وبينهم اى حاجة وبنت تانية مبتكلمش غير اولاد قليلة جداً اكيد الى هتلفت انتباهى الي مبتكلمش ولاد.
وتكون منمقة فى لبسها ولبسها ميكونش Over زيادة عن اللزوم يعنى فى اللزيز عاااااااادى
وطبعاً يكون دمها خفيف ومتكونش من محبى الكذب.
بس تكون برضه شكلاً على الاقل مقبولة علشان مش معقول هرتبط بواحدة مثلاً حولة او فحمة او هبلة
علشان انا مبحبش البنت الهايفة السطحية احب البنت الراكذة العاقلة.

2-ما مفهوم الحب فى نظرك؟وهل الحب اسمى ولا الصداقه وايهما تفضل(يجب ان تختار يا الحب او الصداقه مفيش خيارين)؟

الحب هو أسمى شىء وأجمل شىء رغم عذابه بس عذاب لزيز
انا وجهة نظرى الشخصية ان الصداقة هى الي بتدوم

3-من هم اصدقائك الفعليين؟

أصدقائى الفعليين قليلاً جداً يعنى هما أتنين فقط أحمد ومحمود

4-ماهى احلامك وماذا تخطط ومع من تريد ان اتبنى احلامك ومستقبلك هل مع اصدقائك ام احبائك ام الاثنين معا؟

أنا بحب الطيران بس انا حالياً نفسى بعد ماتخرج اما أن أشتغل مرشد سياحى أو اى حاجة لها علاقة بالكمبيوتر
لكنى مش هسافر هى كانت الفكرة دى مسيطرة عليا من فترة ولكن لقيت نفسى مش هقدر أبعد عن مصر.
على الأقل البهدلة هنا أرحم من البهدلة خارج مصر.

أنا طبعاً اتمنى أن أبنى أحلامى مع الاتنين أصدقائى وأحبائى ولكنى أشك علشان لازم القدر هيحرمنى من حد منهم

5-من من الاعضاء تحبهم كثيرا وتتمنى وجودهم بدون مجاملات؟غير اختك طبعا

أكيد احمد ومحمود بس مش دول بس لكن دول أكتر أتنين لأنهم أصحابى اوى
وبصراحة كدة انا عمرى ماقابلت أصدقاء فعلاً بجد جدعان اوى ويقفوا جنبى بمشاكلى زيهم فيه غيرهم كتير اعرفهم اتكلم معاهم عادى بس ولا انا افرق معاهم فى حاجة ولا هم يفرقوا معايا فى حاجة.

6-هل تعتقد انك اعقل واذكى شخص فى المنتدى بما انك المدير ؟ وياريت بكل صراحه

بصى انا عادةً بحب رأي هو الى يمشى بس ده مش غرور لأنى لو لقيت رأى تانى أصوب من رأيي هنفذه
بس يبقى بمزاجى ميتفرضش عليا حاجة
يعنى من الاخر كدة انا مفتاحى السياسة والهدوء فى المعاملة لكن أفش كدة محدش هيعرف ياخد معايا حق ولاباطل

7-هل تقبل ان يعيطيك احد نصائح او ينتقدك نقد بناء ؟ولا بتقول ده مبيفهمش حاجه

لأ طبعاً انا بحب النقض وبحترم اى حد شايف فيا حاجة غلط انه ينبهنى ليها
ولكن هناك اختلاف فى الطريقة زى مانا قولت من شوية مفتاحى هو السياسة بالطريقة دى هتقبل اى حاجة
لكن مثلا حد شافنى بعمل حاجة غلط قام كلمنى بعنف ويقولى انت غلطان والكلام ده مينفعش معايا
هسمع كلامه من هنا هطلعة من الناحية التانية

8-ماذا تريد ان اتعمل بعد متتخرج فى الكليه ؟

مرشد سياحى او حاجة لها علاقة بالكمبيوتر

9- هل بعد متتخرج من الكليه هتنسى اصدقائك ام ستظل على صله بهم مهما حدث؟

طبعاً لأ

10-ما مفهوم الثقه عندك؟ وهل تعطى ثقتك لاى احد؟

الثقة دى شىء لابد منه لانى انا لو مش واثق فى نفسى هبقى متردد واشك فى كل قراراتى
لأ

11-ما معنى الاخلاص عندك؟وهل تحب الاستقرار؟

الاخلاص ده شىء ضرورى فى اى معاملة سواء فى الصداقة او الحب او العمل يعنى هو كل حاجة

وانا طبعاً بحب الاستقرار يعنى مهما روحت وجيت أحن لقاعدة البيت رغم انها مخنئة بس هنعمل ايه بحبها

من طرف **Emad El-Din** الأربعاء 17 ديسمبر 2008, 2:40 am

بجاوب بقى على أسئلة الرومانسية

1- هل الجمال شى اساسى لاختيارك شريكه حياتك او حبيبتك ؟ ولماذا ؟

لأ بس على الأقل تكون مقبولة مش مضيعة يعنى
لأنى انا مش وحش وكمان مش توم كروز او عمرو دياب

2- هل ممكن ان ترتبط بفتاه صارحتك بحبها؟

اه وليه لأ بس عادةً الولد بيحب هو الى بيبتدى بالكلام مش الي هى الى تكلمه
بس انا عندى أفضل انى انا الى اتكلم رغم انى مبحبش ان بنت تحرجنى ابداً حتى لو كان بهزار لانى ممكن اروح اكلمها تحرجنى بس دى محصلتش معايا قبل كدة الحمد لله

3- هل تحترم المراه وتقدرها ام تعتبرها شخص ضعيف ليس له اهميه؟ وهل تحترم ارائها؟

لأ طبعاً المرأة لها كيانها وشخصيتها وأحترم آرائها طبعاً

4-هل تحب ان ترتبط بقتاه ارتبطت بغيرك قبل متتعرفوه؟

ممكن

5-الأمنية اللي تتمناها ... ؟

انى اقابل الحب الحقيقى وأشتغل مرشد سياحى او فى شركة كمبيوتر وانى أموت شهيد

6-ما رأيك بهذه الكلمات ..
الخيانة ..شىء حقير جداً
المرأه..هى الي بتخلي للحياة طعم
الصداقة ..اجمل شىء
النميمة ..بشعة
النفاق ...ابشع

7- هل ندمت فحياتك على شي معين؟

نعم . على شوية حاجات كدة اخذت فيها قرارات غلط

8-هل تامن بالصداقة الرجل والمراه حتى لو كانت اختك ؟

تفرق لانى انا عارف حدودى كويس مع أصحابى البنات ولكن أختى انا معرفش أصحابها لو صداقة عادية ممكن أفكر

9- ماهى هوايتك ؟

الكمبيوتر - ممارسة لعبة الكونغ فو

10- ماذا تحب او تكره فى شخص و ما هو الشخص ؟

عفواً مش هقدر أجاوب

11-قيم نفسك من وجهة نظرك؟

انا أنسان عااااااادى خالص
بس فيا شوية صفات كدة يعنى انا طموح نفسى أطير بين السحاب - هوائى احياناً - متردد - متسرع فى بعض الاحيان - مبحبش حد يكذب عليا - بكره الفراق -اكتر حاجة تضايقنى ان حد يحرجنى حتى ولو كان بهزار وخصوصاً لو كانت بنت.
بحب ابقى انا الي كلمتى تمشى بس لو فيه رأى أصوب منى عادى بأخد بآراء الاخرين - بتعصب بسرعة - ورد فعلى ممكن يكون أكبر من الموقف نفسه - انا طيب جداً وجدع جداً مع أى حد بس مبحبش حد يستغلنى علشان انا جدع معاه - بحب أصحابى جداً وإذا حبيت واحدة لايمكن انى أبص لوحدة تانية غيرها بمعنى انى لو حبيت مبشوفش غير حبيبتى وكل البنات التانية بالنسبالى عبارة عن هوا - ومبحبش انى اكون جدع مع واحد صاحبى والاقيه بيقصر معايا الموقف ده بيضايقنى جداً

12-هل انت مغرور ؟

لأ

من طرف yosra love الخميس 18 ديسمبر 2008, 11:55 am

اولا مبروك عليك كرسى الاعتراف
ثانيا ممنوع التهرب من الاجابه على الاسئلة
ايه اكتر حاجة بتضايقك و اكتر حاجة بتفرحك

ايه اكتر حاجة بتحبها فى الطبيعة

هل ممكن ان تتحول الصداقة الى حبلا و الحب الى صداقة ؟و ده حصل معاك و لالا

انت بتحب حد دلوقتى (او حتى معجب)

لو بتحب حد تقوله ازاى او تعرفة ازاىانك بتحبه

مين الشخصر اللى بتاتمنة على سرك

حبيت كام مره لغايه دلوقت

اكتر 6 مقربين ليك فى المنتدى(لازم 6)

بص انا مش هقولك ايه مواصفات فتاه احلامك انا هديك مواصفات و تختار منهم

تحبها طيبه و على نياتها و لا غير كده خالص
ممكن تكون حبت قبليك و لا تحب انت اول واحد تحبه
تحب لبسها يبقى اغلبه كاجوال و لا كلاسيك
تحبها ذكيه اوى و لا عادى
تحبها جمال عادى و لا جمال صارخ
تحبها جريئة و لا خجوله
تحبها عصبيةو و لا تقدر انها تخبى العصبيه دى(اكيد الكلام ده فى موقف يعصب
تحبها اطول و لا اقصرمنك

اوصف كل عضو بكلمتين او اكتر
yosra love
الرومانسية
Lost2010
LayaliGirl2010
مرسى
yasoo
ياسمينا زمالك
نور الصباح
nancy
nero lovely
فارس الاسكندر
بس قول رايك بصراحة

كفايه عليك كدة دلوقتى

من طرف **Emad El-Din** الأربعاء 24 ديسمبر 2008, 11:10 pm

ايه اكتر حاجة بتضايقك و اكتر حاجة بتفرحك

اكتر حاجة بتضايقنى ان حد يحرجنى او واحد صاحبى يندل معايا
اما اكتر حاجة بتفرحنى ان الاقى الي حواليا فرحانين
ايه اكتر حاجة بتحبها فى الطبيعة
السماء بس بالنهار وتكون زرقاء وفيها بعض (قليل من السحاب) وليلا وقت الفجر
هل ممكن ان تتحول الصداقة الى حبلا و الحب الى صداقة ؟و ده حصل معاك و لالا
هو ممكن ان الصداقة تتحول لحب لكن مش ممكن يتحول الحب الى صداقة
انت بتحب حد دلوقتى (او حتى معجب)
انا بحب دلوقتى
لو بتحب حد تقوله ازاى او تعرفة ازاىانك بتحبه
والله ده حسب البنت الى هكلمها لأن كل بنت وليها سكة وطريقة معينة
مين الشخصر اللى بتاتمنة على سرك
اثنين من أصدقائى ومرشح انهم يبقوا ثلاثة
حبيت كام مره لغايه دلوقت
مرة واحدة
اكتر 6 مقربين ليك فى المنتدى(لازم 6)
Ahmed_Waheed & Mahmod_Elqatel & Layalygirl & ياسمينا الزمالك & Lost2010 & وأكيد الرومانسية
بص انا مش هقولك ايه مواصفات فتاه احلامك انا هديك مواصفات و تختار منهم

تحبها طيبه و على نياتها و لا غير كده خالص
احبها طيبة بس مش على نيتها
ممكن تكون حبت قبليك و لا تحب انت اول واحد تحبه
احب انى اكون اول حب فى حياتها
تحب لبسها يبقى اغلبه كاجوال و لا كلاسيك
يعنى ولا كلاسيك اوى ولا كاجوال اوى يعنى ممكن كدة وكدة
تحبها ذكيه اوى و لا عادى
احبها ذكية بس مش أوى
تحبها جمال عادى و لا جمال صارخ
يكون جمالها عادى بس شخصية مفيش زيها
تحبها جريئة و لا خجوله
خجولة بس الخجل العادى
تحبها عصبيةو و لا تقدر انها تخبى العصبيه دى(اكيد الكلام ده فى موقف يعصب
احب البنت الى مسيطرة على نفسها مش الى متعرفش تمسك أعصابها لأنى عصبى ولو هى اتعصبت هتعصب عليها وهنبقى فرجة
تحبها اطول و لا اقصرمنك
يعنى أقصر منى شوية مش من الأقذام

اوصف كل عضو بكلمتين او اكتر
yosra love منورانا
الرومانسية حبيبة قلبى
Lost2010 بتعجبنى أفكارك
LayaliGirl2010 الجدعنة كلها
مرسى أهلاوى صح
yasoo فينك من زمان
ياسمينا زمالك أحلى بنات قسم التاريخ
نور الصباح ياريت نشوفك على طول
nancy بقالك مدة غايبة عننا
nero lovely بحب اتكلم معاها
فارس الاسكندر سيبك من الزمالك

من طرف rody nageb الجمعة 06 مارس 2009, 8:25 pm

يا ريت كان ينفع اسالك كام سؤال

بس على العموم من اجاباتك شايفة انك لو عملت حاجة مثلا كلمت بنت مش بتحب ان ولد يكلم اختك حتى لو صداقة

على فكرة دة مش انت بس دة كل الاخوات واخويا اول واحد

وبتقول ان الى بتحبها تكون مبتكلمش ولاد وانت تقريبا لما جة موضوع لو بنت اتكلمت على منتدى وجاملها ناس وكدة ممكن تعجب بيها

وترتبط بيها قولت عادى فيعنى لاقية كلام متناقض

وقولت ان ليك واحدة صحبتك على النت ومحترمة جدا معنى كدة انك حتى لو حبيت ترتبط بيها حتفكر علشان هى كلمتك

مانتا ولد وهى كلمتك عادى يعنى طالما فية حدود للصداقة دى

على العموم بيييييييييييييس

حتاكد من معلوماتى لو فى حاجة غلط حرجع اصححها

من طرف **Emad El-Din** الإثنين 09 مارس 2009, 3:18 am

بس على العموم من اجاباتك شايفة انك لو عملت حاجة مثلا كلمت بنت مش بتحب ان ولد يكلم اختك حتى لو صداقة

على فكرة دة مش انت بس دة كل الاخوات واخويا اول واحد

فعلاً كلامك مظبوط

وبتقول ان الى بتحبها تكون مبتكلمش ولاد وانت تقريبا لما جة موضوع لو بنت اتكلمت على منتدى وجاملها ناس وكدة ممكن تعجب بيها

وترتبط بيها قولت عادى فيعنى لاقية كلام متناقض

لأ كلامى مش متناقض ولا حاجة على النت عادى الكلام مش هيفرق كله كلام فى الهوا عادى

وقولت ان ليك واحدة صحبتك على النت ومحترمة جدا معنى كدة انك حتى لو حبيت ترتبط بيها حتفكر علشان هى كلمتك

مانتا ولد وهى كلمتك عادى يعنى طالما فية حدود للصداقة دى

على فكرة انا اقصد بانى بكلمها على النت يعنى عاوز اوضح انه الكلام على النت عادى بمعنى:

ان لو خاطبتى او البنت الى بحبها مشتركة فى منتدى وكتبت موضوع وواحد كتبلها شكرا ع الموضوع ده والله موضوع جامد وربنا يوفقك هل انا بقى هزعل انها عملت موضوع كويس فالناس بتشكرها عليه طبعاً مش هزعل
ولو بتكلم واحد على النت : دى بقى مسألت ثقة بينى وبينها لو انا واثق فيها عمرى ماهشك فيها لكن فى نفس الوقت الغيرة موجودة لانى ماينفعش ماغيرش عليها لكن عمرى ماهسيب واحدة انا شايف انها كويسة ومحترمة وهتناسبنى وبحبها وناوى اخطبها علشان بتتكلم على النت او مشتركة فى منتدى
طيب ما انا اختى مشتركة فى المنتدى ده وفيه ولاد بيعلقوا على كلامها عادى يعنى لانى عارف هى بعمل ايه والولاد دول قصدهم ايه وكمان دول اصحابى يعنى وحتى لو مش اصحابى وكتبوا لاختى كلمة شكر عمرى ما هتضايق ولا هزعل

يارب اكون اقنعتك بكلامى

من طرف rody nageb الأربعاء 11 مارس 2009, 8:27 pm

اوكى يعنى الى حد ما اقتنعت

كرسى الاعتراف مع (Emad_Owen)

ترشح من ليجلس على كرسى الاعتراف

كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)

رد: كرسى الاعتراف مع (Emad_Owen)