ومع أعضاء جداد فى كرسى الاعتراف.... Layali

تذكير بمساهمة فاتح الموضوع :

السلام عليكم ورحمة الله وبركاته

وهابى فلانتين داى


بعد ماشوفنا ياسمينا زمالك وهى على كرسى الاعتراف

هيكون معانا اعضاء تانيين وهما:

Layali

Yosra Love

الرومانسية

وانا كمااااااان حسال سؤال

اية اكتر موقف حصلك وممكن لو افتكرتية دلوقتى تقعدى تضحكى علية؟


مش حقدر اكتر عن سؤال علشان احنا لسة معرفناش بعض

تقدرى تراجعى نفسك فى اى حاجة غلط انتى عملتيها وتصلحيها ؟
ايوة ، بس لو اتاكدت ان انا غلط

انتى شايفة نفسك ازاى؟
مش فاهمة السؤال

وايه الى انتى شايفاه فى نفسك وحش ونفسك تغيريه ؟
العصبية ، الطيبة ، الثقة فى الناس بسرعة .

هل ممكن تخسرى احد اصدقائك لاى سبب
ممكن

يا ترى فى حد فى المنتدى مضايقك
اه

ايه هى الاسباب اللى ممكن تخسرى عشانها حد
الخيانة ، الكدب ،الغدر.

من تقولليله دلوقتى مقدرش انساك
رضوى

من تقوليله كرهتك
شخص ما
مين تديه ورده حمرا دلوقتى
رضوى ،لبنى ،ياسو،ياسمينا،اية.
تقولى لمين انت على بالى
رضوى ،لبنى ،ياسو،ياسمينا،اية.
مين بعده لا يؤثر فيكى
لا احد
مين لا يستحق ان تفكرى فيه اصلا
شخص ما

-ايه مواصفات الشاب اللي يكون زوج ليكي في المستقبل؟؟
اهم حاجة انو يكون بيحبنى
طيب
رومانسى
احس معاه بالامان
يعنى بيس
2-ما الشئ الذي يلفت انتباهك في الشاب؟؟؟
شخصيتة

3-ما الخلق الجميلة التي تحبيها في الشاب؟
الصدق والوفاء والامانة

4-ما الخلق السشئة التي تكرهيها في الشاب؟
العصبية و التهور

5-اذا فعلت شئ خطأ هل ستعترفي له؟ ولماذا؟؟
مش فاهمة
6-اذا عاكسك حد من الشباب ايه هيكون ردة فعلك اتجاه؟؟!
عادى ، حعملة اية
7-اذا حدا قال لكي (بحبك)وانت مش بتحبيه هتعملى ايه ؟؟؟
حقولة انى مبحبوش
8-لو حدا من الشباب ضحك عليكي بشوية كلام عبيط وقال لكي اه بيحبك وعرفت حقيقته في الاخر هتعملى ايه ؟؟؟؟
دة مش حيحصل
لانى مبسلمش قلبى بسهولة لاى حد
9-لو انت بتحبي واحد بس مستواه المادي قليل وجالك عريس غني هل ستتركيه من اجل المال ام ستتركي الغني من اجل الحب!؟
صراحة
انا حسيب الاتنين

10-ماذا سيحدث لو انت بتحبى واحد جداااا وهو قالك انه بيحبك وشفتيه مع واحده وقاعد بيضحك عليها انه بيحبها هتعملى ايه ؟؟؟
حسيبة فورا
لانة انسان غشاش وكداب
وبكدة ميستهلش حبى
11-اذا كنت بتحبى واحد هل ستقولي لاهلك ولا هتستني حتى يجي يخطبك؟؟؟!!!!!!
لا، حقول لاهلى طبعا
12-اذا خانك خطيبك او جوزك او حبيبك مع واحدة هل ستسامحيه ام ستتركيه؟؟ ولماذا؟؟
لا هقتلة
لانى بكرة الخيانة جدا جدا جدا جدا
13 - اوصفى كل عضو من دول ..

الرومانسية اعز الاصدقاء
ياسو اغلى الناس
yosra love حبيبة قلبى
عماد اخ عزيز
عنتر اخ عزيز
مرسى مجتهد
lost غامضة
ملكه الرومانسية معرفهاش عشان احكم

اية اكتر موقف حصلك وممكن لو افتكرتية دلوقتى تقعدى تضحكى علية؟


صراحة مش فاكرة دلوقتى لو افتكرت حقولك

سوالى ليكى
هو سوال واحد
عايزه افهم ايه الغموض فيا فهمينى ؟ بصراحه
هو انا لازم كل واحد يعرف عنى كل حاجه عشان مكنش غامضه
انا مثلا معرفش عنك حاجات كتير هقول عنك غامضه

معلش طولت عليكي بس المرة دي هما كام سؤال صغيرين

1- لو جبنا ليكي ورقة بيضا وقلم تركناكي مه افكارك فماذا تكتبي؟

2-مين الشخصية اللي صدفتيها في حياتك بدون سابق موعد ولا ترتيب ولنكها لم تمسح من خيالك؟

3-اوصفي اكبر همومك في عبارة؟

4-ماهو اول درس تعلمتية في حياتك واخر درس تعلمتية؟

5-اية هو اكتر شيء يستفزك؟

6-لو عندك دقيقة واحدة علي موبايل بس تفضلي تكلمي مين بيها؟

7-لو حكمتي العالم كلة لمدة يوم واحد بس ما هي القرارات التي سوف تتخذيها؟

8-لو ارد احد المقربين منك ان يهديك هدية ماذا تتمني ان تكون تلك الهدية؟

9-ماذا تحبي بالدنيا وما احلي مراحل عمرك؟

10-مين الاول عندك قلبك ولا عقلك؟

11-اية هو شعورك نحيتي وانتي بتقرأئي اسئلتي؟


معلش طولت عليكي بس فرصة وجتلي

بصوا بقى يا جماعه انا اصراحه مش عجبانى اجباتها خالص فنا من رائيى تجاوب على الاسئله تانى بس بصراحه ووضوح

اللى معايا على الرائى ده يقول.........

يعنى هو مش كل الاسئله ..

معلش يا جماعة دى اجابتى ومش هغيرها
بس اللى عايز يسالنى فى حاجة انا مستعدة انى اجاوب علية

1- لو جبنا ليكي ورقة بيضا وقلم تركناكي مه افكارك فماذا تكتبي؟
معرفش بس يمكن حكتب انى مثقش فى الناس بسهولة
انى راضية عن حياتى
انى هغير حاجات فى حياتى
انى مش هعند فى حجات كدة كنت عنيدة فيها
وبس

2-مين الشخصية اللي صدفتيها في حياتك بدون سابق موعد ولا ترتيب ولنكها لم تمسح من خيالك؟
لا .بجد مش فاكرة

3-اوصفي اكبر همومك في عبارة؟
بصى انا مش هعقد االف عبارات انا هقول همومى كلها
يعنى شايلة هم بكرة والمستقبل والدراسة
واكيد حياتى الخاصة وحياة اللى حوليا
ومشاكل ناس معينة من صحابى (اللى هما مقربين منى يعنى)

4-ماهو اول درس تعلمتية في حياتك واخر درس تعلمتية؟
الحب اهم شئ فى الحياة فلازم نحب كل الناس اللى حولينا
اما بقى اخر درس فلسة
لانى لسة بتعلم لغاية دلوقتى

5-اية هو اكتر شيء يستفزك؟
العندو الخيانة والكدب

6-لو عندك دقيقة واحدة علي موبايل بس تفضلي تكلمي مين بيها؟
ماما

7-لو حكمتي العالم كلة لمدة يوم واحد بس ما هي القرارات التي سوف تتخذيها؟
القرارات هى
1- ان الوطن العربى يتوحد
2- محاربة اسرائيل
3- محاربة الفساد والحقد والغل
4- نشر الاسلام بطريقة صحيحة فى الغرب
5- نشر الحب والخير والسلام بين الناس

8-لو ارد احد المقربين منك ان يهديك هدية ماذا تتمني ان تكون تلك الهدية؟
كلمة رقيقة او وردة

9-ماذا تحبي بالدنيا وما احلي مراحل عمرك؟
الاصدقاء
المراهقة

10-مين الاول عندك قلبك ولا عقلك؟
لا قلبى الاول وبعدين عقلى لانى عاطفية من الدرجة الاولى
بس فى مواقف بحكم فيها عقلى وبس

11-اية هو شعورك نحيتي وانتي بتقرأئي اسئلتي؟
عادى جدا
انتى اختى وانتى عارفة دة كويس اوى
وعمرى ما ازعل منك ابدا

الاخت ليلى منورة الكرسى بس هى واضح انها دبلوماسية اوى والإجابات اللى احنا عاوزينها مش كده خالص
ما علينا
انا كمان نفسى فى شوية اسئلة وهقولهم

اولا:الشخص اللى بتقولى انه مدمر حياتك ومخليكي خائفة من شىء ما كده لما دخل حياتك كانت ايه صفته وايه اللى خلاه يعمل كده ؟؟؟؟

ثانيا : انتى بتقولى ان من عيوبك انك طيبة زيادة عن اللزوم مش شايفة ان ده بيناقض الطريقة اللى انتى بتتعاملى بيها مع كل الناس وكلامك الكتير عن انك بلطجية ومحدش قادر عليكى مع ان اللى احنا شفناه غير كده خالص ؟؟؟ا

ثالثا: ايه الردود الغريبة دى بقى حضرتك يا ضنايا مظلومة و كلهم جايين عليكى لا والانقح انك ياولداه عمرك ما ظلمتى حد ازاى مفيش حد ماظلمش حد طول حياته -وانا اولهم- كلنا بنظلم بعض وده وضع طبيعى اما ان الواحد يشوف نفسه مظلوم على طول الخط وان كل الناس ظلموه يبقى اكيد هو اللى عنده المشكلة ولا ايه ؟؟

رابعا :ده بقى مش سؤال ده اعتذار مقدما عشان لو حسيتى انى رذل حبتين بس انا مش بعمل كده إلا مع الناس اللى يهمونى فعلا فما تزعليش منى
وحاولى تخلصى وتقومى من على الكرسى بسرعة عشان عماد مأجره والعداد بيعد

اولا:الشخص اللى بتقولى انه مدمر حياتك ومخليكي خائفة من شىء ما كده لما دخل حياتك كانت ايه صفته وايه اللى خلاه يعمل كده ؟؟؟؟
كان بصفته صديق
بس الموضوع دة خلاص اتقفل
صحابى وقفوا جبى والموضوع عدى ومبقاش غير ذكرى

ثانيا : انتى بتقولى ان من عيوبك انك طيبة زيادة عن اللزوم مش شايفة ان ده بيناقض الطريقة اللى انتى بتتعاملى بيها مع كل الناس وكلامك الكتير عن انك بلطجية ومحدش قادر عليكى مع ان اللى احنا شفناه غير كده خالص ؟؟؟ا
دى شخصيتى اللى ظاهرة للناس
انما اللى بيقرب منى بيشوف شخصيتى الحقيقية
اللى مبيشفهاش غير ناس قريبين منى
ثالثا: ايه الردود الغريبة دى بقى حضرتك يا ضنايا مظلومة و كلهم جايين عليكى لا والانقح انك ياولداه عمرك ما ظلمتى حد ازاى مفيش حد ماظلمش حد طول حياته -وانا اولهم- كلنا بنظلم بعض وده وضع طبيعى اما ان الواحد يشوف نفسه مظلوم على طول الخط وان كل الناس ظلموه يبقى اكيد هو اللى عنده المشكلة ولا ايه ؟؟
بجد انا عمرى ما ظلمت حد لانى عارفة احساس الظلم وحش جدا
المشكلة عندى فى طبتى
لانى ساعات انا اللى بظلم نفسى بايدى
رابعا :ده بقى مش سؤال ده اعتذار مقدما عشان لو حسيتى انى رذل حبتين بس انا مش بعمل كده إلا مع الناس اللى يهمونى فعلا فما تزعليش منى
ولا يهمك احنا كلنا اخوات
بييييييييييييييييس

خلاص خلصتوا ولا لسة فيه حد نفسه يسأل

سؤال اخير للأخت ليلى
هو ليه شايفانا كلنا عيال سيس ؟

انا عضوة جديدة في المنتدى وحبيت اسأل لولو يا ترى حبيتي قبل كده ؟
وياترى لو الاجابة ايوه مين سعيد الحظ ؟
ولو الاجابة لأ أحب اعرف ليه ؟
يا ريت تكون اسئلتي مش مضايقاكي

سؤال اخير للأخت ليلى
هو ليه شايفانا كلنا عيال سيس ؟
اجابتى هى



لا تعليق

انا عضوة جديدة في المنتدى وحبيت اسأل لولو يا ترى حبيتي قبل كده ؟

لا انا محبتش قبل كدة خالص
وياترى لو الاجابة ايوه مين سعيد الحظ ؟
ولو الاجابة لأ أحب اعرف ليه ؟

يعنى عشان لسة ملقتش الشخص اللى احس ان يستاهل حبى
وملقتش الشخصية اللى رسماها فى خيالى بمعنى (الشخص الكامل)
اكيد مفيش شخص كامل
بس انا بدور على الشخص الاقرب الى الكمال

يا ريت تكون اسئلتي مش مضايقاكي
اسالتك مضايقتنيش خالص
وشكرا ليكى

ها حد لية نفس تانى يسالنى
انا مستعدية

ايوة انا يا جميييييييييييييل

حبيت اخطف سؤال

طبعا انتى قولتى انك لسة محبتيش حد

طب قولى اسم حد معجبة بيه ولازم تجوبى وتقولى الاسم

(لعبة ورط الى بعدك)

بييييس

بصى السؤال دة بتاع عماد فى اللعبة
ومش هجاوب علية فى كرسى الاعتراف غير لما عماد يجاوب علية فى اللعبة
وبيس يا مان
بيييييييييييييييييييييييييييييييس

يا ليلى عماد جاوب

جاوبى انتى كمان

بييييييييييييييس